პეტსონი და ფინდუსი: მხიარულება გრძელდება (წიგნი მეორე)

სვენ ნურდკვისტი

მოხუცი პეტსონისა და კატა ფინდუსის ამბები თუ უკვე წაგიკითხავს, ისიც გეცოდინება, ეს გულუბრყვილო ბერიკაცი და მისი ჭკვიანი კატა რა ხათაბალაში აღარ გახვეულან; თანასოფლელებს არც გაემტყუნება, როცა ჩუმ-ჩუმად ამბობენ, პეტსონი ცოტა შერეკიალიაო. აბა, სხვა რა უნდა ეფიქრა მეზობელ გუსტავსონს, როცა ბაღჩაში გაშლილ კარავში მიწოლილ პეტსონს წაადგა თავზე – ვინ დადის სალაშქროდ საკუთარ ბაღჩაში, თუ არა… თუმცა, არა, არ აჰყვე მეზობლების ჭორაობას; თავად წაიკითხე პეტსონისა და ფინდუსის ძალიან მხიარული თავგადასავლები და იმასაც შეიტყობ, თავის დროზე როგორ მოხვდა კნუტი ფინდუსი მსოფლიოში ყველაზე დაბნეული და ახირებული ბერიკაცის კარ-მიდამოში.